EH ALUL
INAH : Avuk uoi nga pansaluir ri ito, asukol auh bahu ra kando kanah tu ai.
ALUL : Bh....
Am lakou-lakou konoh tupoh ri Alul, am suku konoh tupoh ra susungoi hitu, susungoi naninging (jernih). Elaie noh ra ka nakukuling papait palian, lambugau. konoh poyoh raino am konoh papait tinagal, am hino noyoh hondoh noh. "arh, kondo noyoh kanah mai ri inah ra hitu" konoh huang ri Alul. "kaa... alur hua lakou kunili raitu" "alumpai auh poyoh napoh ra angiba" huang konoh ri Alul. Sino liha masin kulie. Alapo nu Alul hitu, asin sungaoi hitu " muli ki ri Inah ra pahun (rumah) kando kanah-kanah mai". "bh muli auh nga" konoh tupoh ri Alul. Asuh akai noyoh ri inah ra papait. Labah noyoh ra sasamingu kanah mai ri inah.
suku Eh Alul ra pahun, " kalie Alul, papait muli" konoh noh Inah ri Alul. "kando ki sinumuku ra pahun tu ina, muoi ka ri ina pahun kauh kuah liha, inasinan kunoh kuah liha, sumuku auh ra pahun noh am angakan yak bahu" "Amulie-muli nga ra sambung nga Alul. Nusuau muoi koh ampalula ri ito. "am eyau" konoh tupoh ri Alul.
katawang ra susuau, Luat noyoh tupoh eh Alul. Alapo Hahang, kapak am Lukut. Lakou-lakou konoh tupoh ri Alul, pangkiolot ra katanan, am suku konoh ri Alul ra totohon. "Arh tumoh auh poh nga haling, nalumpai auh noh kuah ra lakou ku hinili" konoh ri Alul. kapoyo navuoi, kapuaan nu umos ri Alul, elai noh pondok-pondok tambang sinangawan, taluh sangkau napiang. Alinga ra hino... kondo noh kanah mai ri Inah ra hitu. "ka potoyon kuh poyoh, alumpai auh poh angibah" alapo nu Alul hitu hahang, kapak am lukut ikati ra bakulung nuh tambang. " muli ko ri inah tambang, sumuku auh napoh am angakan yak". kamangaie huat tambang hitu, pampuarai-arai huat nahiru.
"nasuku noh tambang li raino" konoh huang ri Alul.
Suku Alul ra pahun "kalie Alul, kula banang mu" kapoyo nanakor ri Alul ra tukar tuh, inambot noh inah natuh. "am tambang kuah liha inah, mahulu ko muli , muoi ko ri inah ra pahun kauh kuah liha" konoh ri Alul. "anayar-nayar ka ra sambung nga Alul, kando bahu kanah to, Hahang am lukut ralie am pinatiran mu bahu" makou koh muoi ko antoon.
Am lakou konoh tupoh ri Alul, pakasuku ra hanah mayoh hitu, ikatie noh noyoh toon natuh, kapongoh poh antoon. Ahirurumpi aupoh nga haling. Bolong konoh ri Alul ra tataun makalu hitu. Luat konoh ri Alul, Laie noh ra sinumkot bahu kulapa nu tatauntun ra bakulung natuh eh. lukambon noh halan aluor. "arh muli auh ra pahun hitu, uoi ko palukavo ri inah" ulie Alul, konoh bahu nangkahur ra kium mayoh "arh nakalap tupoh avuk nga, mayoh noh hitu" konoh huang noh inah ri Alul. "inah bukaie nga kulapa noh tataun, sinomokot bahu ra auh ambolong nili raitu. "buyah, indos ku am aun ka hinili' Alopo bahu inah ri Alul tu am lumkavo kulapa nu tataun hitu, liah-liah bahu bakulung ri Alul.
"Alul, luat uoi asoh raino toon muli" "yuh inah"
suku eh Alul ra toon natuh, laie no rah ralaa onsoi, nasawat avuk natuh. "hamah noh eka nakalaap auh ra kium, ralaah panah labah noyoh, kondo noyo rangan mai ri inah" konoh nu huang ri Alul. "aun ki ingalan mu vuayoi"kibalie noyoh nuh ralaa tuh Alul, alika huang nu ralaa tuh asiha halan. Huang-huang e Alul ra inggalan natuh, eka ahuang noh. "arh muli auh haling ralaa, uoi ku haling kibalaie ri inah" "am eyau" konoh noh rala tu. Ulie noyoh Eh Alul
suku ra pahun.kibalaie no noyoh "inah.. aun ingalan ku tili ha" "eh Alul" "Ooooo Eh Alul" simbul konoh ri Alul. suku konoh ra ralaa tu. "kalie aun inggaglan mu vuayoi" konoh noh ralaa tu. Huang-huang Eh Alul, ri inggalan natuh. "aun ka inggalan ku tili ha". "Arh muli auh haling ralaa, nalupanan ku noyoh bahu inggalan ku tili, uoi ku poyoh kibalaie ri inah"
Am simbul konoh poyoh ri Alul "inah... inah" laus-laus Eh Alul ahipa ra inah natuh, "inah... aun inggalan ku tili ha" Eh Alul... Eh Alul" "ooo Eh Alul" savit-savit Alul ra ingalan natuh.
"Eh Alul,Eh Alul... Eh Alul....Eh Alul......Eh Alul...... Eh Alul" Pakasaruh kalayam ri Eh Alul ra saie. "Lulllll....." "avaaii ra saie hiatu ai".
suku noyoh Alul ra ralaa nasandong hitu, "kalie vuayaoi aun inggalan mu" "andai nalupanan konoh vai ralaa, nakasaru auh raituh ra saie niroi am kalupani ku bahu, am muli auh poh nga haling.... Uoi ku poyoh ki balaie ri inah"
"inah.....aun inggalan ku tili ha" "Eh Alul... Eh Alul" simbul kono ri Alul...
Suku ra intok nu ralaa nakasulung ra toon natuh, elaie noh ra nalawo noyoh bahu ralaa nasandong hitu eh.....
sorry... masih banyak kelemahan. mencuba buat yang terbaik.
BalasPadam